搶糧潮 ︳港男憂封城開始囤糧 狂掃罐頭180個杯麵預一家四口食3個月

新冠肺炎第五波疫情持續嚴峻，今日（15日）再錄逾1,510宗確診，另有逾5,400宗初確病例，有市民擔心隨時「封城」而囤糧，一名港男發文指，目前已為一家四口儲3個月糧食，包括180個杯麵、大量罐頭粉麵和米等，形容會「邊食邊入貨」。

同場加映：
30分鐘急救變黃白波鞋 洗鞋達人教3種波鞋去污法

{{hket:ul-video id="5267"}}{{/hket:ul-video}}

管家王︳圍封禁足派飯或漏派分量不足，預先準備家居隔離4類物資，詳情即睇：【下一頁】

一名男網民本周日（13日）在「香港討論區」發帖，表示上月看到有關深圳當局圍封小區，以及本港圍封葵涌邨的新聞後，開始為一家4口儲糧，形容現時已儲下足以維持3個月生活的糧食。

事主透露家中現時約有180個杯麵，但由於雪櫃空間有限，加上蔬果等食物不能長時間存放，故他只購入罐頭食品、粉麵、2包10公斤米等，

「仲有雪藏食物如水餃、雞翼等等，菜、蛋留唔到，魚就買咗鯖魚同豆豉鯪魚罐頭，我都知唔夠纖維，買泡菜頂住先得唔得呢？我已經儲了3個月糧，夠唔夠？」

邊食邊入貨

事主聲言「我冇搶糧」，食物亦「唔係會（就）咁擺喺度」，他指一家人開封食品吃用後，會同時去入貨增添糧食庫存，

「例如開包米後，就去超市買另一包米，Keep（維持）住個數。Keep住食，食一包再買一包，你估停擺唔郁放床下底咩？」

網民：要儲至少一年

不少網民看到帖文後，指出如家中空間有限，恐無法存放如此多食物，但亦有人指事主僅儲3個月糧食未必足夠，建議他儲備半年至一年分量的食物，另有網民分享自己的心得。

網民大量搜購補給品：人都癲

另一名女網民亦發文，指同樣擔心本港「封城」，或是隨時需要家居隔離，故近日放工後和放假一有時間，就會去超市購買補給品，「持續備戰狀態喎，2至3個月量，仲要係減價貨，確唔簡單。唔封城但封區或封樓，點都要預備定啲嘅。」

事主指已購買大量食物、廁紙、清潔用品和口罩等，形容「真係人都癲」，

「我屋企已買定夠2個月用嘅廁紙，成個冰箱塞爆晒雪藏食物，罐頭、杯麵各一箱，漂（白）水都買定10幾支。真係冇咁多地方儲糧，要去上海街買個大雪櫃返屋企儲凍肉。我覺得自己好瘋狂，有冇人好似我咁癲？」

↓ 點 擊 圖 片 放 大 ↓

急凍蔬果6大保存貼士

近日接連有跨境司機確診，引致蔬菜供應受影響，不少市民改買急凍蔬果代替。美國農業部植物生理學家兼國家項目負責人Gene Lester指出，其實急凍可有效保存食物營養，甚至比新鮮蔬果含有更多維他命，並分享急凍蔬果存放及烹調6大貼士。

↓ 點 擊 圖 片 放 大 ↓

林鄭：無計劃大規模封城

對於市民有關「封城」的擔憂，特首林鄭月娥今日（15日）在行政會議會前見記者，重申無計劃大規模封城，相信就個別大廈進行圍封強檢已有足夠成效。

管家王 ︳急凍蔬菜營養價值同樣高，專家教6大保存貼士，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀